جدہ: ریاض ایئر کے چیف کمرشل آفیسر ونسنٹ کوسٹ نے خوشخبری سناتے ہوئے کہا ہے کہ نئی شروع ہونے والی ائیرلائن سے مقامی شہریوں کے لیے دو لاکھ کے قریب ملازمتوں کے مواقع فراہم ہوں گے۔
سعودی خبر رساں ادارے کی رپورٹ کے مطابق ونسنٹ کوسٹ نے کہا کہ گزشتہ برس سے اب تک کمپنی کے ہیومن ریسورسز کے ادارے کو 10 لاکھ سے زیادہ ملازمت کی درخواستیں موصول ہوئی ہیں جن میں سے زیادہ تر سعودیوں کی ہیں۔
ایئرلائن کے کمرشل آفیسر کے مطابق کوشش ہے کہ مختلف ممالک تک ایئرلائن کی سروسز فراہم کی جاسکیں اور ریاض ایئر کے دائرہ کار کو دنیا کے مزید ممالک تک وسعت دی جائے تاکہ اسٹیشنز کی تعداد میں اضافہ ہوسکے۔
ایمریٹس ایئر لائن نے مسافروں کو خوشخبری سنادی
اُن کا کہنا تھا کہ ہمارا ارادہ ہے کہ سال 2025 تک ریاض ایئرکو بوئنگ ’ڈریم لائنرز‘ کے 72 طیارے مل جائیں جن کی پہلے بکنگ کی جاچکی تھی۔
