سعودی عرب میں ریاض پبلک ٹرانسپورٹ نے عیدالاضحی کی تعطیلات کے دوران ریاض میٹرو اور سٹی بسوں کیلیے شیڈول کا اعلان کردیا ہے۔
سعودی خبر رساں ادارے کی رپورٹ کے مطابق ریاض میٹرو کے تمام روٹس پر سروس ایک ہی وقت رات بارہ بجے اختتام پذیر ہوگی جبکہ اس کے آغاز کی ٹائمنگ روٹ کے لحاظ سے مختلف رکھی گئی ہیں۔
رپورٹس کے مطابق اورنج روٹ پر آپریشن 5 سے 14جون تک (9 سے 18 ذو الحجہ) کے دوران صبح دس بجے شروع ہوگا اور رات بارہ بجے اختتام پذیر ہوگا جبکہ 15 جون کو صبح چھ بجے سے معمول کا شیڈول بحال ہوگا۔
میٹرو کے دیگر روٹس پر 5 جون کو میٹرو صبح آٹھ بجے،6 جون سے 8 جون تک صبح دس بجے، 9 سے 11 جون تک صبح اٹھ بجے آپریشن شروع ہوگا جبکہ ان روٹس پر 12 جون کی صبح سے میٹرو معمول کے شیڈول کے مطابق چلے گی۔
پبلک ٹرنسپررٹ اتھارٹی کا ریاض بس سروس کے حوالے سے کہنا تھا پبلک بسیں 5 سے 12 جون تک روزانہ صبح پانچ سے رات بارہ بجے تک چلیں گی۔
تعطیلات کے دوران سفری ضروریات کو پورا کرنے کیلیے بسیں آن ڈیمانڈ دستیاب ہوں گی۔
یاد رہے کہ سعودی عرب کے دارالحکومت میں شروع ہونے والی جدید سہولتوں سے آراستہ ریاض میٹرو سروس کے مسافروں کو 6 مختلف زبانوں میں رہنمائی فراہم کی ج اتی ہے۔
ریاض رائل کمیشن نے ’میٹرو ریاض‘ میں مسافروں کی سہولت کے لیے عربی کے علاوہ 6 دیگر زبانوں کے ماہرین کی خدمات حاصل کی گئی ہیں۔
رپورٹ کے مطابق مسافروں کو جن زبانوں میں خدمات حاصل ہوں گی ان میں چینی، فرانسیسی، انگلش، جرمن اور عربی کے علاوہ قوت سماعت اور گویائی سے محروم افراد کے لیے اشاروں کی زبان کا بھی استعمال ہوتا ہے۔
سعودی عرب میں ’ریاض میٹرو پروجیکٹ‘ کا افتتاح
انتطامیہ کی جانب سے ریاض میٹرو میں سفر کرنے والوں کی رہنمائی کے لیے اسٹیشنز پر ترجمہ کے ماہرین خدمات فراہم کر رہے ہیں، جو ٹکٹ کے حصول میں مدد کے علاوہ میٹرو کے روٹس کے بارے میں بھی مسافروں کی رہنمائی کر رہے ہیں۔
