ریاض : سعودی پولیس نے 12 کنٹینروں سے سامان چوری کرنے والے غیر ملکی گروہ کو گرفتار کرلیا۔
غیر ملکی خبر رساں ادارے کی رپورٹ کے مطابق خلیجی ریاست سعودی عرب کے دارالحکومت ریاض میں سیکیورٹی فورسز نے کنٹینروں میں چوریاں کرنے والے آٹھ رکنی گروہ کے خلاف کارروائی کی ہے۔
آٹھ افراد پر مشتمل غیر ملکی گروہ پر کنٹینروں میں رکھا سامان چوری کرکے مارکیٹ میں فروخت کا الزام تھا۔
ریاض پولیس کے ترجمان کرنل شاکر التویجری پولیس کو گوداموں میں رکھے کنٹینروں میں چوری کی اطلاعات موصول ہوئی تھیں جس پر پولیس نے تحقیقات کا آغاز کرتے ہوئے مذکورہ گروہ کو گرفتار کیا تھا۔
پولیس ترجمان کا کہنا تھا کہ آٹھ رکنی گروہ کا تعلق ایشیائی ملک تھا، جن کے قبضے سے بجلی اور دیگر اشیا پر مشتمل مسروقہ سامان برآمد کرلیا ہے جن کی مالیت 50 لاکھ ریال کے قریب تھی۔
Comments
- Advertisement -
