ریاض: سعودی عرب میں میڈیکل ٹیکنالوجی کی بین الاقوامی کانفرنس 14 سے 16 ستمبر کو ہوگی جس میں سعودی اور بین الاقوامی ماہرین شرکت کریں گے جبکہ بائیو ٹیکنالوجی کمپنیوں کے بین الاقوامی ماہرین اور سائنسدان بھی اس میں حصہ لیں گے۔
بین الاقوامی ویب سائٹ کے مطابق سعودی عرب میں میڈیکل ٹیکنالوجی کی انٹرنیشنل ریاض سربراہ کانفرنس منگل کو ولی عہد شہزادہ محمد بن سلمان کی زیر صدارت ہوگی۔
افتتاح نیشنل گارڈز کے وزیر شہزادہ عبد اللہ بن بندر کریں گے۔
کانفرنس کا انتظام کنگ عبداللہ انٹرنیشنل میڈیکل ریسرچ سینٹر (کیمارک)، کنگ سعود ہیلتھ سائنس یونیورسٹی کے تعاون سے کررہا ہے، کیمارک وزارت نیشنل گارڈز کے ماتحت ہے۔
کانفرنس 14 سے 16 ستمبر کو ہوگی جس میں سعودی اور بین الاقوامی ماہرین شرکت کریں گے جبکہ بائیو ٹیکنالوجی کمپنیوں کے بین الاقوامی ماہرین اور سائنسدان بھی اس میں حصہ لیں گے۔