ریاض : سعودی ولی عہد محمد بن سلمان نے مسیحی وفد کی ملاقات Muhammad bin Salman
The news is by your side.

Advertisement

ریاض : سعودی ولی عہد محمد بن سلمان کی مسیحی وفد سے ملاقات

ریاض : مشرق وسطیٰ اہم اسلامی ریاست سعودی عرب میں مسیحی برادری کے ایجنلی فرقے کے ایک وفد نے دارالحکومت ریاض میں ولی عہد محمد بن سلمان سے ملاقات کی۔

تفصیلات کے مطابق امریکا میں بسنے والی مسیحی آبادی کا ایک وفد ان دنوں مشرق وسطیٰ کے دورے پر ہے، عیسائیوں کے ایک فرقے ایجنلی کے وفد نے سعودی ولی عہد بن سلمان سے ملاقات کے دوران مذہبی روادری کے حوالے سے گفتگو کی۔

عرب خبر رساں ادارے کا کہنا تھا کہ سعودی ولی عہد محمد بن سلمان نے ایجنلی وفد سے گفتگو کرتے ہوئے کہا کہ دنیا بھر بالخصوص مشرق وسطیٰ میں دہشت گردی کے خاتمے، برداشت، روادری امن و استحکام کے فروغ کے لیے مسلم امہ اور مسیحی برادری کو مشترکا طور پر کام کرنا ہوگا۔

عرب خبر رساں ادارے کا کہنا تھا کہ ایجنلی عیسائیوں کے وفد سے ملاقات کے موقع سعودی وزیر خارجہ عادل الجبیر، عالم اسلام رابطہ کونسل کے سیکریٹری جنرل ڈاکٹر محمد عیسیٰ اور امریکا میں تعینات سعودی سفیر خالد بن سلمان بھی موجود تھے۔

غیر ملکی خبر رساں ادارے کا کہنا تھا کہ دنیا بھر میں انجیلی عیسائیوں کی تعداد تقریباً ساٹھ کروڑ ہیں، جو غیر جانب دار ممالک میں کثیر تعداد میں آباد ہیں۔

خیال رہے کہ انجیلی عیسائیوں کے الگ سفارت خانے ہیں جبکہ دنیا کے 85 ممالک میں نمائندہ دفاتر اور 160 مملکتوں میں سرگرمیاں موجود ہیں۔

واضح رہے کہ دنیا بھر میں بسنے والے انجیلی عیسائی اسرائیل کے حامی و مددگار ہیں، جو اسرائیل کی سیاسی، اخلاقی اور مالی امداد میں بڑھ چڑھ کر حصّہ لیتے ہیں۔

Comments

comments

یہ بھی پڑھیں