انٹرنیشنل کرکٹ کونسل (آئی سی سی) نے نئی رینکنگ جاری کر دی، ٹی 20 رینکنگ میں محمد رضوان کی پہلی پوزیشن برقرار ہے۔
تفصیلات کے مطابق آئی سی سی کی نئی رینکنگ میں پاکستان کی شان محمد رضوان نے ٹی 20 سیگمنٹ میں پہلی پوزیشن برقرار رکھنے میں کامیاب ہو گئے۔
لیکن دوسری طرف ٹی ٹوئنٹی رینکنگ میں کپتان بابر اعظم کی ایک درجہ تنزلی ہو گئی ہے، اور وہ تیسرے نمبر پر چلے گئے ہیں۔
آئی سی سی رینکنگ کے مطابق بھارتی کھلاڑی سوریا کمار ایک درجہ ترقی پا کر دوسرے نمبر پر آ گئے ہیں، درسری طرف ٹی 20 بولرز رینکنگ میں آسٹریلیا کے جوش ہیزل ووڈ پہلی پوزیشن پر براجمان ہیں۔
India and Pakistan stars among the big movers in the latest @MRFWorldwide ICC Men’s T20I Player Rankings 🇮🇳 🇵🇰
Full story 👇
— ICC (@ICC) September 28, 2022
جنوبی افریقا کے بولر تبریز شمسی دوسری پوزیشن جب کہ انگلینڈ کے عادل رشید تیسری پوزیشن پر برقرار ہیں۔
آئی سی سی کے مطابق محمد رضوان 861 پوائنٹس کے ساتھ ریٹنگ میں ٹاپ پر ہیں، بھارتی کے سوریا کمار کے پوائنٹس 801 ہیں، جب کہ بابر اعظم کی ریٹنگ 799 رہی۔
ٹی ٹوئنٹی آل راؤنڈر رینکنگ میں افغانستان کے محمد نبی ایک درجہ ترقی پا کر پہلی پوزیشن پر براجمان ہو گئے ہیں، جب کہ بنگلادیش کے شکیب الحسن ایک درجہ تنزلی کے بعد دوسری پوزیشن پر آ گئے ہیں، جب کہ انگلینڈ کے معین علی تیسری پوزیشن پر برقرار ہیں۔
