The news is by your side.

ٹی 20 رینکنگ میں محمد رضوان کی بڑی کامیابی

انٹرنیشنل کرکٹ کونسل (آئی سی سی) نے نئی رینکنگ جاری کر دی، ٹی 20 رینکنگ میں محمد رضوان کی پہلی پوزیشن برقرار ہے۔

تفصیلات کے مطابق آئی سی سی کی نئی رینکنگ میں پاکستان کی شان محمد رضوان نے ٹی 20 سیگمنٹ میں پہلی پوزیشن برقرار رکھنے میں کامیاب ہو گئے۔

لیکن دوسری طرف ٹی ٹوئنٹی رینکنگ میں کپتان بابر اعظم کی ایک درجہ تنزلی ہو گئی ہے، اور وہ تیسرے نمبر پر چلے گئے ہیں۔

آئی سی سی رینکنگ کے مطابق بھارتی کھلاڑی سوریا کمار ایک درجہ ترقی پا کر دوسرے نمبر پر آ گئے ہیں، درسری طرف ٹی 20 بولرز رینکنگ میں آسٹریلیا کے جوش ہیزل ووڈ پہلی پوزیشن پر براجمان ہیں۔

جنوبی افریقا کے بولر تبریز شمسی دوسری پوزیشن جب کہ انگلینڈ کے عادل رشید تیسری پوزیشن پر برقرار ہیں۔

آئی سی سی کے مطابق محمد رضوان 861 پوائنٹس کے ساتھ ریٹنگ میں ٹاپ پر ہیں، بھارتی کے سوریا کمار کے پوائنٹس 801 ہیں، جب کہ بابر اعظم کی ریٹنگ 799 رہی۔

ٹی ٹوئنٹی آل راؤنڈر رینکنگ میں افغانستان کے محمد نبی ایک درجہ ترقی پا کر پہلی پوزیشن پر براجمان ہو گئے ہیں، جب کہ بنگلادیش کے شکیب الحسن ایک درجہ تنزلی کے بعد دوسری پوزیشن پر آ گئے ہیں، جب کہ انگلینڈ کے معین علی تیسری پوزیشن پر برقرار ہیں۔

Comments

یہ بھی پڑھیں