لاہور: کمسن ملازمہ تشدد کیس میں والدہ کی بچی کو لے جانے کی سی سی ٹی وی فوٹیج سامنے آ گئی ہے۔
تفصیلات کے مطابق گھریلو ملازمہ رضوانہ کے حوالے سے ایک سی سی ٹی وی فوٹیج سامنے آئی ہے، جس میں والدہ اپنی زخمی بیٹی کو تشویش ناک حالت میں لے کر جا رہی ہے۔
ملزمہ سومیا عاصم کے وکیل کے بیان کے برعکس سی سی ٹی وی فوٹیج میں بچی کی تشویشناک حالت دیکھی جا سکتی ہے، فوٹیج کے مطابق گاڑی سے اترنے کے بعد بچی والدہ کا سہارا لینے کی کوشش کر رہی ہے۔
- Advertisement -
کمسن ملازمہ تشدد کیس میں ملزمہ سومیا عاصم گرفتار
فوٹیج میں بس اسٹاپ پر بچی کی والدہ کو روتے دیکھا جا سکتا ہے، رضوانہ کی والدہ مدد کے لیے پکار رہی ہے، بچی کی حالت اتنی خراب تھی کہ وہ چل نہیں پا رہی تھی، اور ایک شخص نے اسے اٹھا کر بس میں پہنچایا۔
