آر جے مہوش نے بھارتی کرکٹر یوزویندر چہل کےلیے پھر سے جذبات کا اظہار کرتے ہوئے کہا کہ ان کے پیچھجے چٹان کی طرح کھڑی ہوں۔
بھارتی اسپنر کے ساتھ ڈیٹنگ کی افواہوں کے درمیان آر جے مہوش کی نئی پوسٹ سامنے آئی ہے، جس میں وہ یوزویندر چہل کی ٹیم پنجاب کنگز کو آئی پی ایل میچ میں سپورٹ کرتی نظر آرہی ہیں، مہوش پنجاب کنگز اور چنئی سپر کنگز کے مقابلے میں یوزویندر کے لئے خوش ہو رہی تھیں۔
آر جے مہوش نے بھارتی کرکٹر کے ساتھ ایک سیلفی شیئر کی اور پنجاب کنگز کے لیے اپنی حمایت کی وجہ بھی بتائی ہے۔
بدھ کے روز انسٹاگرام پر انھوں نے آئی پی ایل میچ کی کچھ تصاویر شیئر کیں، ان میں سے ایک میں، وہ پنجاب کنگز کا جھنڈا پکڑے ہوئے اور ٹیم کے لیے کافی خوش نظر آئیں۔
View this post on Instagram
انھوں نے پوسٹ کے کیپشن میں لکھا کہ "اپنے لوگوں کو اچھے اور برے ہر حال میں سپورٹ کریں اور ان کے پیچھے چٹان کی طرح کھڑے ہوں! یوزویندر ہم سب یہاں آپ کے لیے ہیں۔”
آرجے مہوش نے اپنی انسٹاگرام اسٹوری پر بھی پوسٹ شیئر کی اور لکھا، "یہاں اس سال کنگز کو سپورٹ کرنے کے لیے ہوں دوستی تمیز سے نبھاتے ہیں ہم بھائی! چہل نے اس پوسٹ کا جواب دیتے ہوئے لکھا، "آپ لوگ میری ریڑھ کی ہڈی ہیں! مجھے سپورٹ کرنے کے لیے آپ کا شکریہ۔”
یزویندرا چہل کی آرجے مہوش کے ساتھ تصویر، دھناشری ورما کی معنی خیز پوسٹ وائرل
