ٹرین، بس یا جہاز میں اگر سفر کے دوران لال بیگ آجائے تو مسافر نہ چاہتے ہوئے بھی خوفزدہ ہوجاتے ہیں، گھر کا حال بھی اس سے کچھ مختلف نہیں ہوتا کیونکہ اس کیڑے کو دیکھ کر ہر دوسرا شخص چیخ مار دیتا ہے۔
دو انچ کا یہ کیڑا کسی بھی شخص کو نقصان تو نہیں پہنچاتا مگر اسے دیکھ کر کرایت بہت زیادہ آتی ہے، جس کی وجہ آج تک کسی کو سمجھ میں نہیں آسکی۔
برطانیہ کے دارالحکومت لندن میں چلنے والی زیر زمین ٹرین میں سوار مسافروں میں اُس وقت افراد تفری مچی جب دورانِ سفر ایک نوجوان نے عجیب و غریب حرکت کر کے سب کی توجہ ڈبے میں موجود لال بیگ کی طرف مبذول کروائی۔
انٹرنیٹ پر شیئر ہونے والی ویڈیو کے مطابق مسافر نے جب ٹرین میں لال بیگ کو دیکھا تو وہ پانی کی بوتل میں اسے بند کر کے پکڑنے کے لیے بھاگا، اس دوران لال بیگ ایک سے دوسرے جگہ تیزی سے چلا گیا۔
View this post on Instagram
ڈبے میں سوار دیگر لوگوں نے جب مسافر سے پوچھا کہ آخر وہ کیا کرنا چاہ رہا ہے تو اُس نے برجستہ جواب دیا کہ وہ صرف یہ دیکھنا چاہتا ہے ’لال بیگ اڑتا ہے یا نہیں کیونکہ جب اُس نے کیڑے کو پکڑنے کی کوشش کی تو وہ اڑ گیا‘۔
مسافر کی اس حرکت پر دیگر مسافر خوفزدہ ہوئے اور انہوں نے چیخ پکار شروع کردی، جس کے بعد انتظامیہ کے ارکان نے وہاں پہنچ کر مسئلے کو حل کیا۔