راجستھان : بھارت کی ریاست راجستھان میں ایک دل دہلا دینے والا حادثہ پیش آیا ہے جس میں نو افراد جان کی بازی ہار گئے۔
بھارتی میڈیا رپورٹ کے مطابق ضلع اکلیرہ میں ہونے والے ٹریفک حادثے میں ایک تیز رفتار ٹرک نے وین کو ٹکر ماردی جس کے نتیجے میں وین مین سوار نو افراد موقع پر ہی ہلاک ہوگئے۔
بدقسمت ہلاک شدگان ایک شادی کی تقریب میں شرکت کے بعد واپس اپنے گھر جارہے تھے کہ اندوہناک حادثہ علی الصبح تین بجے پیش آیا۔ وین میں موجود دس میں سے ایک شخص کے سوا کوئی زندہ نہیں بچا۔
- Advertisement -
اطلاع ملتے ہی علاقہ پولیس موقع پر پہنچی اور وین میں پھنسے زخمی کو نزدیکی اسپتال منتقل کیا، پولیس کے مطابق اسپتال پہنچائے گئے 10 افراد میں سے 9 کو مردہ قرار دے دیا گیا ہے جبکہ ایک زخمی کا علاج کیا جا رہا ہے اور وہ خطرے سے باہر ہے۔
