The news is by your side.

Advertisement

روڈ ٹومکہ پراجیکٹ، وزیراعظم آج منصوبے کا افتتاح کریں گے

اسلام آباد: عازمین حج کی مشکل آسان ہوگئی، روڈ ٹو مکہ پراجیکٹ کا گذشتہ روز آغاز ہوا جبکہ وزیراعظم عمران خان آج منصوبے کا افتتاح کریں گے۔

تفصیلات کے مطابق اسلام آباد ایئرپورٹ پر سعودی امیگریشن اسٹاف نے باقاعدہ طور پر کام شروع کردیا ہے، البتہ منصوبے کا افتتاح وزیراعظم عمران خان آج کریں گے۔

حجاز مقدس جانے والے عازمین کی امیگریشن پاکستان میں ہی ہوگی، حکومت کا عازمین حج کو 5ارب روپے واپس کرنے کا فیصلہ بھی سامنے آیا ہے۔

روڈ ٹومکہ پراجیکٹ کے تحت اسلام آباد ایئرپورٹ سے سعودی ائیرلائن کی پرواز عازمین حج کو لے کر روانہ ہوگئی ، پہلی مرتبہ 22000 حج کی بائیومیٹرک امیگریشن اسلام آباد ایئرپورٹ پر ہورہی ہے۔

خیال رہے کہ ساڑھے تین سو عازمین امیگریشن کے بعد سعودی ائیرلائن کی پرواز ایس وی 719 کے زریعے حجاز مقدس روانہ ہوئے۔

روڈ ٹو مکہ پروجیکٹ کا باقاعدہ آغاز ، عازمین حج کی مشکلات ختم

پہلی پرواز کو الوداع کرنے کے لیے سعودی امیگریشن عملہ سعودی سفیر وفاقی وزیر مذہبی امور اور ایوی ایشن کے وزیر بھی ائیرپورٹ پر موجود رہے۔

ادھر پی آئی اے بھی آج سے باضابطہ طور پر اسلام آباد سے اپنی پہلی حج پرواز کا آغاز کرے گی۔

Comments

comments

یہ بھی پڑھیں