کراچی میں بینک کیش وین کو لوٹنے والا ملزم پکڑا گیا، ملزم کے بھائی سے 5 کروڑ روپے سے زائد کی رقم بھی برآمد کرلی گئی۔
تفصیلات کے مطابق کراچی میں بینک کیش وین میں ڈکیتی کرنے والے ملزم مبشر کو وہاڑی سے گرفتارکرلیا گیا ہے۔ پولیس نے ملزم کے بھائی سے 5 کروڑ 31 لاکھ 85 ہزار500 روپے کی رقم بھی برآمد کرلی۔
چار روز پہلے برآمد رقم تا حال کراچی پولیس کےحوالے نہ کی گئی ہے جب کہ گرفتار دونوں ملزمان کو بھی 4 روز سے کسی عدالت میں پیش نہیں کیا گیا ہے۔
وہاڑی سے برآمد ہونے والی 5 کروڑ سے زائد کی رقم کو پہلے لاہورمنتقل کیا گیا۔ پولیس کے مطابق ملزمان کو مقامی عدالت میں آج پیش کردیا گیا ہے
ترجمان پولیس کا اس حوالے سے مزید کہنا تھا کہ رقم کو ایک دو روز میں ایس ایچ او کورنگی کراچی کے سپرد کر دیا جائے گا۔
