کراچی پولیس نے پھرتیاں دکھاتے ہوئے شہری کی فائرنگ سے ہلاک ہونے والے ڈاکو کے واقعے کو پولیس مقابلہ ظاہر کردیا۔
کراچی کے علاقے ڈیفنس کی خیابان بخاری کے قریب ڈاکو لوٹ مار میں مصروف تھے کہ ایک شہری نے فائرنگ کرکے ایک ڈکیت کو ہلاک کردیا۔
بعد ازاں پولیس نے کارکردگی دکھانے کے لئے ڈکیت کی ہلاکت کو پولیس مقابلہ ظاہر کردیا، ذرائع کا کہنا ہے کہ جس وقت فائرنگ کا واقعہ پیش آیا اس وقت پولیس موقع پر موجود ہی نہیں تھی۔
واقعے کے کافی دیر بعد پولیس جائے وقوعہ موقع پر پہنچی تو ڈاکو کی ہلاکت کو اپنا کارنامہ ظاہر کرتے ہوئے پولیس مقابلہ قرار دے ڈالا۔
اس حوالے سے پولیس حکام نے دعویٰ کیا ہے کہ مارے جانے والے ڈکیت کے قبضے سے اسلحہ اور کئی چھینے ہوئے موبائل فون ملے ہیں۔
ذرائع کے مطابق واقعے کے وقت موقع پر موجود شہری نے ذاتی ہتھیار سے فائرنگ کا اعتراف کیا تھا تاہم پولیس کو دیکھنے کے بعد عینی شاہد نے بھی بیانا تبدیل کرلیا۔
پولیس کا مزید کہنا ہے کہ مارے گئے ڈکیت سے5موبائل فون اور ہتھیار برآمد ہوا ہے، ہلاک ڈاکو کا ایک ساتھی موقع واردات سے فرار ہونے میں کامیاب ہوگیا۔
