کراچی میں رواں سال کی سب سے بڑی ڈکیتی، ملزمان 5 کروڑ سے زائد رقم لوٹ کر فرار

کراچی : بہادرآباد شہید ملت روڈ کے قریب نامعلوم ملزمان 5 کروڑ 94 لاکھ روپے کی رقم لوٹ کر فرارہوگئے۔

تفصیلات کے مطابق کراچی کے علاقے بہادرآباد شہید ملت روڈ کے قریب مبینہ ڈکیتی کی بڑی واردات ہوئی۔

جہاں نامعلوم ملزمان 5 کروڑ 94 لاکھ روپے کی رقم لوٹ کر فرارہوگئے، واقعہ کا مقدمہ بہادر آباد تھانے میں درج کرلیا گیا ہے۔

مدعی راحیل نے بتایا کہ ملزمان کار اور رقم لوٹ کر فرار ہوئے ، گزشتہ شب میں اپنے دفتر سے گاڑی میں رقم لے کر نکلا تھا۔

مدعی نے دعویٰ کیا کہ چار کارٹن میں 6 کروڑ کے قریب رقم تھی، سپر اسٹور کے قریب ایک کار میری گاڑی کے آگے آگئی، کار میں دو ملزمان سوار تھے، دو ملزمان الگ الگ موٹر سائیکل پر سوار تھے۔

پولیس حکام کا کہنا ہے کہ واقعے سے متعلق تحقیقات کر رہے ہیں، جلد ملزمان گرفت میں ہوں گے۔

Comments