چیچہ وطنی: بہارکالونی میں علی الصبح ڈاکوؤں کی گھر میں واردات، 2 کروڑ سے زائد مالیت کا سونا لوٹ کر فرار ہوگئے۔
اے آر وائی نیوز کے مطابق پولیس کااس حوالے سے کہنا ہے کہ ڈاکو گھر سے 2 کروڑ سے زائد مالیت کا سونا لوٹ کر لے گئے۔ گرفتاری کے لئے ٹیم تشکیل دے دی ہے۔
اس سے قبل کراچی میں پیش آئے ایک واقعے میں فیکٹری کے چوکیدار نے چار ڈاکوؤں سے مزاحمت کرکے انہیں فیکٹری میں داخل نہیں ہونے دیا، مشتعل ڈاکوؤں نے چوکیدار کو فائرنگ کرکے زخمی کردیا۔
تفصیلات کے مطابق کراچی کے علاقے احسن آباد میں 4 ڈاکوؤں نے ڈکیتی کی نیت سے فیکٹری میں گھسنے کی کوشش کی لیکن چوکیدار کی مزاحمت سے ان کی یہ کوشش ناکام ہوگئی۔
ڈکیتی میں مزاحمت کرنے پر ملزمان نے چوکیدار کو گولی ماری اور فرار ہوگئے، پولیس نے فرار ملزمان کا پیچھا کرکے ایک ڈاکو کو زخمی حالت میں گرفتار کرلیا۔
اس حوالے سے ڈی ایس پی سہراب گوٹھ نے بتایا کہ 3ملزمان اندھیرے کا فائدہ اٹھاتے ہوئے موقع سے فرار ہونے میں کامیاب ہوگئے۔
چارسدہ: گھر کی چھت گرنے سے 5 افراد جاں بحق
گرفتار ملزم نے بتایا کہ فیکٹری پہنچے تو چوکیدار نے مزاحمت کی اور اندر نہیں جانے دیا، گرفتار ملزم سے مزید تفتیش کا عمل جاری ہے۔
