کراچی : واٹرپمپ کے قریب ڈاکوؤں نے تاجر سے 35 آئی فون چھین لیے، متاثرہ تاجر کراچی سے رحیم یار خان موبائل فون لیکر جا رہا تھا۔
تفصیلات کے مطابق کراچی کے علاقے واٹرپمپ کےقریب تاجر کو لوٹ لیا گیا، صدر الیکٹرونکس مارکیٹ محمد رضوان عرفان نے بتایا کہ تاجرصدرموبائل مارکیٹ سے 35 آئی فون لیکرنکلا تھا، ملزمان 60 لاکھ سے زائد مالیت کے موبائل فون لے گئے۔
رضوان عرفان کا کہنا تھا کہ متاثرہ تاجر کراچی سےرحیم یار خان موبائل فون لیکرجارہاتھا، تاجرسےاس نوعیت کی 15سےزائدوارداتیں ہوچکی ہیں۔
انھوں نے تصدیق کی کہ سمن آباد تھانے میں واقعہ کا مقدمہ درج کرا رہے ہیں۔
خیال رہے تاجروں سے موبائل چھیننے کا یہ پہلا واقعہ نہیں ہے، رواں سال کے آغاز میں گلشن معمار کے علاقے Z-2 میں واقع ایک دکان سے ڈاکوؤں نے نقدی اور ڈبے سے بھرے موبائل فون لوٹ لیے تھے۔
واقعے کی سی سی ٹی وی فوٹیج سامنے آئی تھی ، جس میں مسلح ڈاکو گاہکوں کے بھیس میں دکان پر آتے اور لاکھوں مالیت کی نقدی، سامان لوٹتے ہوئے دیکھا جاسکتا ہے۔
