کراچی : فیکٹری کے چوکیدار نے چار ڈاکوؤں سے مزاحمت کرکے انہیں فیکٹری میں داخل نہیں ہونے دیا، مشتعل ڈاکوؤں نے چوکیدار کو فائرنگ کرکے زخمی کردیا۔
تفصیلات کے مطابق کراچی کے علاقے احسن آباد میں 4ڈاکوؤں نے ڈکیتی کی نیت سے فیکٹری میں گھسنے کی کوشش کی لیکن چوکیدار کی مزاحمت سے ان کی یہ کوشش ناکام ہوگئی۔
ڈکیتی میں مزاحمت کرنے پر ملزمان نے چوکیدار کو گولی ماری اور فرار ہوگئے، پولیس نے فرار ملزمان کا پیچھا کرکے ایک ڈاکو کو زخمی حالت میں گرفتار کرلیا۔
اس حوالے سے ڈی ایس پی سہراب گوٹھ نے بتایا کہ 3ملزمان اندھیرے کا فائدہ اٹھاتے ہوئے موقع سے فرار ہونے میں کامیاب ہوگئے۔
پولیس کے مطابق گرفتارملزم نے انکشاف کیا ہے کہ وہ لیاری36میں ڈکیتی کے لیے پہنچے تھے، پتہ چلاتھا آج فیکٹری میں تنخواہ تقسیم ہونے والی ہے۔
گرفتارملزم نے بتایا کہ فیکٹری پہنچے تو چوکیدار نے مزاحمت کی اور اندر نہیں جانے دیا، گرفتار ملزم سے مزید تفتیش کا عمل جاری ہے۔
