بھارت میں بھی ڈاکوؤں کی دن دہاڑے لوٹ مار کی واردات جاری ہے، تلنگانہ میں ڈاکوؤں نے کار کا شیشہ توڑ کر لاکھوں روپے لوٹ لیے۔
بھارتی میڈیا رپورٹ کے مطابق ریاست تلنگانہ میں ڈکیتی کا واقعہ پیش آیا ہے، ڈکیت نے کار کا شیشہ توڑ کر 2 لاکھ روپے چوری کرلیے جس کی سی سی ٹی وی فوٹیج بھی سامنے آگئی۔
بھارتی میڈیا رپورٹ کے مطابق پرتاپ ریڈی نامی شخص نے جنگاوں ٹاون میں واقع بینک سے 2 لاکھ روپے نکالے کر رقم کار میں رکھ دی اور گاڑی بینک کے سامنے کھڑی کر کے کسی کام سے گئے تو ڈاکو نے شیشہ توڑ دیا۔
بھارتی میڈیا کے مطابق ڈکیت نے گاڑی میں موجود تمام رقم لوٹ کی، ویڈیو میں دیکھا جاسکتا ہے کہ چور باآسانی کار کا شیشہ توڑتا ہے اور رقم کا لفافہ اٹھا کر فرار ہوجاتا ہے۔
دوسری جانب پولیس نے مقدمہ درج کرتے ہوئے سی سی ٹی وی کیمرے کی مدد سے چور کی تلاش شروع کردی ہے۔
Comments
- Advertisement -
