اسلام آباد: مسلم لیگ ن کے رکن قومی اسمبلی طلال چوہدری کے پارلیمنٹ لاجز میں واقع فلیٹ میں چوری کا واقعہ پیش آگیا۔ چور قیمتی گھڑیاں اور زیورات چرا کر لے گیا۔
پولیس کے مطابق چور بالکنی کے راستے فلیٹ میں داخل ہوا۔ طلال چوہدری کے بھائی نے پولیس کو چوری کی اطلاع دی۔ ان کے مطابق جب وہ وہاں گئے تو انہیں دروازہ ٹوٹا ہوا ملا۔ فلیٹ میں سامان بکھرا ہوا تھا جبکہ قیمتی گھڑیاں اور زیورات غائب تھے۔
پارلیمنٹ لاجز میں چوہوں کی بھرمار، چینی ماہرین بھی ناکام *
واقعہ کی پولیس کو رپورٹ کردی گئی ہے اور مزید تفتیش جاری ہے۔
طلال چوہدری ان دنوں فیصل آباد میں ہیں اور ان کا فلیٹ خالی تھا جس دوران یہ واقعہ پیش آیا۔ وہ واپس آکر اس معاملے کو دیکھیں گے۔
جمشید دستی کا پارلیمنٹ لاجز میں غیر اخلاقی حرکات کی تحقیقات کا مطالبہ *
واضح رہے کہ پارلیمنٹ لاجز کا علاقہ سخت سیکیورٹی کا علاقہ ہے۔ یہاں آنے جانے والوں کی مکمل تلاشی لی جاتی ہے جبکہ پارلیمنٹ لاجز میں آنے والے افراد کی باضابطہ انٹری ہوتی ہے۔ عام افراد کا وہاں داخلہ تقریباً ممنوع ہے۔
