The news is by your side.

Advertisement

ڈکیت نے عین وقت پر واردات سے توبہ کرلی، ویڈیو وائرل

ملازم کی ہوشیاری نے ڈکیتی کی واردات ناکام بنا دی، ڈکیتی کیلئے آنے والا ملزم دفتر میں موجود شخص کے پاس اسلحہ دیکھ کر واپس لوٹ گیا۔

اس حوالے سے ہیوسٹن پولیس کا کہنا ہے کہ ڈکیتی کے ملزم نے یہ محسوس کرنے کے بعد اپنا ارادہ بدل لیا کہ ملازم کے پاس بھی اسلحہ ہے۔

سوشل میڈیا پر ایک ایسی ویڈیو وائرل ہورہی ہے جس میں ایک کار ڈیلر کے دفتر میں ملازم نے ڈکیتی کی نیت سے آںے والے ڈاکو کو واپس جانے پر مجبور کردیا۔

استعمال شدہ کاروں کی ڈیلر شپ کمپنی کے ایک ملازم نے میڈیا کو بتایا کہ میں نے ایک مشتبہ شخص کو اپنی پستول نکالتے ہوئے دیکھا تو اس سے پہلے میں نے نے اپنی ہی پستول پکڑی اور اسے ڈرا دیا۔

دوسری جانب ہیوسٹن پولیس ڈیپارٹمنٹ کا کہنا ہے کہ ایک مسلح ڈکیتی کے مشتبہ شخص کا جلد ہی ارادہ بدل گیا جب اسے معلوم ہوا کہ اس کے موجود شکار کے پاس بھی بندوق ہے تو اس نے فوری طور پر واہس جانے کیلئے مڑ گیا۔

یہ واقعہ21 مارچ کو شام سوا پانچ بجے کے قریب پیش آیاا سی سی ٹی وی کی فوٹیج میں دیکھا جاسکتا ہے کہ ڈاکو اسلحہ نکالنے کیلئے اپنی قمیض اوپر کھینچ رہا ہے اور کار ڈیلر شپ کے ملازم کی میز کی طرف چل رہا ہے۔

اس سے پہلے کہ وہ کوئی حملہ کرتا، ملازم نے اس سے پہلے ہی اپنی پستول نکال کر ملزم کو چپ کرادیا، جسے دیکھ کر ڈاکو پہلے مسکرایا اور پیچھے ہٹ کر دروازے سے باہر گلی کی جانب بھاگ گیا۔

Comments

یہ بھی پڑھیں