ویٹی کن سٹی: رابرٹ پریوسٹ کیتھولک مسیحیوں کے نئے پوپ منتخب ہوگئے، وہ امریکا سے تعلق رکھنے والے پہلے پوپ ہیں۔
تفصیلات کے مطابق 69 سالہ رابرٹ پریوسٹ جن کا تعلق امریکا سے ہے انھیں پوپ فرانسس کا جانشین مقرر کردیا گیا ہے، نئے پوپ رابرٹ پریوسٹ نہ صرف پہلے امریکی پوپ ہیں بلکہ مسیحوں حلقوں میں وہ اپنی شائستگی اور نرم مزاجی کےلیے بھی جانے جاتے ہیں۔
بدھ کو کیتھولک مسیحیوں کے نئے روحانی پیشوا کا انتخاب نہیں ہو سکا تھا، تاہم جمعرات کو ویٹی کن میں سسٹین چیپل سے سفید دھوان نکلا جس کے بعد وہاں موجود عقیدت مندوں میں خوشی کی لہر دوڑ گئی۔
چمنی سے کالے دھویں کا اخراج، پوپ کا انتخاب نہ ہو سکا
اس سے قبل بدھ کی شام سسٹین چیپل کی چمنی سے کالا دھواں نکلتا دکھائی دیا تھا، کالا دھواں نکلنا روایتی طور پر اس بات کی علامت تھی کہ کیتھولک مسیحیوں کے روحانی پیشوا کا انتخاب نہیں ہوسکا ہے۔
پوپ کے چنائوں کےلیے کارڈینلز کی پہلی ووٹنگ ناکام رہی تھی، تاہم اس کے بعد دوسرے چنائوں میں پوپ رابرٹ کو منتخب کیا گیا۔
خیال رہے کہ نئے روحانی پیشوا کے لیے ’جَلسہٴ انتخابِ پوپ‘ شروع ہوا تھا، جس میں 70 ممالک سے 80 سال سے کم عمر کے 133 کارڈینلز شریک ہوئے تھے۔
سینٹ پیٹرز اسکوائر میں ہزاروں افراد جمع تھے تاکہ دھوئیں کے اشارے کا انتظار کیا جا سکے۔ کارڈینلز کی میٹنگ تقریباً 3 گھنٹے سے زائد جاری رہی تھی۔
پوپ کی تدفین پر زیلنسکی سے ملاقات، واپسی پر ٹرمپ نے روسی صدر کے خلاف پوسٹ کر دی
