موجودہ دورکی انسانی ترقی میں روبوٹ کی ایجاد انتہائی اہم ہے لیکن مستقبل کے روبوٹ انسان کے احکامات ماننے سے انکار کردیں گے۔
روبوٹ کی ایجاد کا بنیادی مقصد انسان کے لئے ایک ایسا معاون تیارکرنا تھا جو کہ بغیرتھکے انسانی احکامات کی بلا چون و چرا پابندی کرے۔
تاہم اب روبوٹ بنانے والے ان مشینوں کو انسانی احکامات پر نہ کہنا سکھا رہے ہیں۔
امریکہ میں واقع ٹفٹس یونیورسٹی کے محققین نے اپنے پروگرام کردہ روبوٹس کوسکھایا ہے کہ انسانی احکامات اگر ان کی سلامتی کے منافی ہوں یا غیرمتعلقہ شخص کی جانب سے دئیے جارہے ہوں تو نا صرف یہ کہ روبوٹ ان احکامات کی پاسداری سے منع کردے بلکہ احکامات جاری کرنے والے شخص کو وجہ بھی بتائے جس کی بناپروہ احکامات کی پیروی نہیں کررہا۔
اس پروگرام کی ٹیسٹنگ کی ویڈیو Quartz نامی غیر ملکی خبر رساں ادارے نے اپنے فیس بک پیج پر شئیر کی ہیں جس میں دیکھا جاسکتا ہے کہ کس طرح ایک روبوٹ احکامات پر نہ کہہ رہا ہے۔
This robot is learning how to say "no” to humansResearchers are teaching this robot how to reject our orders. The results are ominously cute.
Posted by Quartz on Tuesday, November 24, 2015
اس قسم کے واقعات سائنس فکشن فلموں میں تو بے شمار بار دیکھنے کو ملیں ہیں اب دیکھنا یہ ہے کہ جب روبوٹ انسان کو نا کہنا سیکھے گا تو مستقبل میں کیا کیا نہیں کرے گا۔
