The news is by your side.

Advertisement

سوئس ٹینس اسٹار راجر فیڈرر نے کیریئر کا 100واں ٹائٹل جیت لیا

دبئی: سوئس ٹینس اسٹار راجر فیڈرر نے اپنے کیریئر میں ٹینس چیمپیئن شپ جیتنے کی سنچری مکمل کرلی۔

تفصیلارت کے مطابق دبئی میں ہونے والی ٹینس چیمپیئن شپ میں سوئٹزرلینڈ سے تعلق رکھنے والے کھلاڑی راجر فیڈرر نے اسٹیفانوس سیٹسیپاس کو 4-6 اور 4-6 سے شکست دے کر کیریئر کا 100 واں ٹائٹل اپنے نام کرلیا۔

سوئس ٹینس اسٹار راجر فیڈرر نے ٹائٹل کے ساتھ 5 لاکھ 23 ہزار 300 امریکی ڈالر کی انعامی رقم بھی اپنے نام کی۔

امریکی ٹینس کھلاڑی جمی کانرز نے 100 واں ٹائٹل جیتنے پر راجر فیڈرر کو مبارکباد دی۔ ان کے پاس اب تک سب سے زیادہ 109 ٹائٹلز جیتنے کا اعزاز ہے۔

یاد رہے کہ راجر فیڈرر ٹینس کی تاریخ میں سب سے زیادہ 20 مرتبہ گرینڈ سلم ٹورنامنٹ جیت چکے ہیں جو مردوں کے ٹینس مقابلوں میں ایک اعزاز ہے جبکہ ایسوسی ایشن آف ٹینس پرفیشنلز کی فہرست کے مطابق وہ 302 ہفتوں تک مسلسل نمبر ون کی پوزیشن پر رہے۔

راجر فیڈرر 22 سال سے ٹینس کھیل رہے ہیں اور اس کھیل کی مقبولیت میں اضافے اور عام لوگوں میں اس کھیل کی پہچان بنانے میں ان کا بڑا ہاتھ ہے۔

Comments

comments

یہ بھی پڑھیں