بھارتی کپتان روہت شرما بنگلہ دیش کے خلاف مقابلے سے قبل نیٹ میں آف اسپن بولنگ کرتے ہوئے نظر آئے جس کی ویڈیو وائرل ہوگئی۔
بی سی سی آئی کی جانب سے بھارتی کپتان روہت شرما کی نیٹ میں بولنگ کی پریکٹس کی ویڈیو شیئر کی ہے، جس میں انہیں رویندرا جڈیجا کو بولنگ کرتے ہوئے دیکھا گیا۔
یاد رہے کہ بھارتی کپتان روہت شرما اپنے کیرئیر کے آغاز میں باقاعدگی سے بولنگ کرتے تھے، انہوں نے ون ڈے فارمیٹ میں 8 اور ٹی ٹوئنٹی میں 1 وکٹ لی ہے۔
View this post on Instagram
ساتھ ہی بھارتی کپتان نے کئی انٹرویوز میں دعویٰ کیا ہے کہ انہوں نے کرکٹ کا سفر ایک اسپنر کے طور پر شروع کیا تھا۔
اگرچہ ایسا لگتا ہے کہ روہت کل بنگلہ دیش کے خلاف بولنگ کریں گے، لیکن حقیقت یہ ہے کہ وہ نیٹ میں صرف پریکٹس کر رہے ہیں۔
تاہم اس ایکشن سے سوریہ کمار یادو کی ٹیم میں واپسی کے امکان بھی ہے، کیوں کہ اگر روہت شرما اپنے آف اسپن پر بھروسہ کرسکتے ہیں تو اس صورت میں ہاردک پانڈیا کی جگہ سوریا کو ٹیم میں لیا جاسکتا ہے۔
