آسٹریلوی اخبار دی ویسٹ نے بھارتی ٹیم کے کپتان روہت شرما کو میلبورن میں آسٹریلیا کے خلاف چوتھے ٹیسٹ میں شکست کے بعد ان کی مایوسی دیکھ کر ’کرائے بے بی‘ کا نام دے دیا۔
سوشل میڈیا پر شیئر کی گئی اس تصویر کے عنوان میں تحریر تھا ’معجزہ‘ اور ساتھ ہی نیچے سابق کپتان ویرات کوہلی کو ’کلاؤن‘ (مسخرہ) اور کپتان روہت شرما کو ’کرائے بے بی‘ یعنی روتا ہوا بچہ قرار دیا گیا۔
ایسے پوسٹرز جاری کرنے کا سلسلہ آسٹریلوی میڈیا اور اخبارات کی جانب سے کئی دنوں سے جاری ہے۔
- Advertisement -
ویسٹ آسٹریلین اخبار نے گزشتہ روز یشوی جیسوال کے تین کیچز چھوڑنے کے بعد روہت شرما کے ردعمل پر انہیں ’کرائے بے بی‘ کا لقب دیا۔
بات یہیں ختم نہیں ہوئی اتوار کے روز آسٹریلیا کے ایک اور اخبار نے بلے باز سیم کونٹساس کا حوالہ دیتے ہوئے ہیڈلائن لگائی کہ ’ویرات میں تمہارا باپ ہوں‘۔
