تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

روہت شرما نے انوشکا شرما کے بیان کی تردید کر دی

بھارت اور آسٹریلیا کے درمیان احمد آباد میں کھیلے گئے بارڈر گواسکر ٹرافی کے چوتھے ٹیسٹ میچ میں بھارتی بیٹر ویرات کوہلی نے عمدہ بیٹنگ کا مظاہرہ کیا۔

بھارتی ٹیم کے سابق کپتان ویرات کوہلی نے آسٹریلیا کے خلاف 3 سال کے بعد ٹیسٹ سنچری اسکور کی جس کے باعث انہیں پلیئر آف دی میچ کا ایواڈ دیا گیا۔

تاہم ویرات کی شاندار سنچری پر ان کی اہلیہ انوشکا شرما نے فوٹو اینڈ شیئرنگ ایپ انسٹاگرام پر ایک اسٹوری میں یہ انکشاف کیا کہ ویرات کوہلی نے بیماری کی حالت میں بیٹنگ کی۔

بیماری کے باوجود شاندار بیٹنگ کر کے سنچری بنانے پر انوشکا نے شوہر کی خوب تعریف کی اور ان کی بیٹنگ فارم کو بھی سراہا۔

انہوں نے اس میچ کی ایک ویڈیو بھی شیئر کی اور کہا کہ بیمار ہونے کے باوجود ہمت سے بیٹنگ قابل تعریف ہے اور اس جذبے نے ہمیشہ مجھے متاثر کیا ہے۔

بھارتی میڈیا کے مطابق ٹیسٹ میچ ختم ہونے کے بعد جب کپتان روہت شرما سے اس متعلق سوال کیا گیا تو انہوں نے اس بات کی تصدیق نہیں کی، ساتھ ہی انہوں نے صحافیوں کو کہہ دیا کہ آپ سوشل میڈیا پر جو دیکھتے ہیں اس پر یقین نہیں کیا کریں۔

روہت شرما نے صحافیوں سے بات کرتے ہوئے کہا کہ میرا نہیں خیال کہ ویرات بیمار ہے انہیں بس تھوڑی کھانسی کی شکایت تھی۔

روہت شرما کے علاوہ میچ کے اختتام پر بولنگ آل راؤنڈر اکشر پٹیل نے بھی ویرات کوہلی کے بیمار ہونے والی بات سے انکار کردیا، اکشر نے کہا کہ مجھے علم نہیں ہے، جیسے وہ بھاگ رہے تھے اور جیسے انہوں نے شراکت قائم کی، اس سے لگ نہیں رہا تھا کہ وہ بیمار ہیں۔

اُدھر آخری ٹیسٹ میچ ڈرا ہونے کے بعد انڈیا نے چارٹیسٹ میچز کی سیریز 1-2 سے اپنے نام کرتے ہوئے بارڈر گواسکر ٹرافی لگاتار چوتھی مرتبہ جیت لی ہے۔

اس میچ کے ڈرا ہونے اور کرائسٹ چرچ میں نیوزی لینڈ کے ہاتھوں سری لنکا کو پہلے ٹیسٹ میں ملنے والی شکست نے انڈیا کو آئی سی سی ورلڈ ٹیسٹ چیمپیئن شپ کے فائنل میں پہنچا دیا ہے۔

خیال رہے آسٹریلیا اور انڈیا کے درمیان آئی سی سی ورلڈ ٹیسٹ چیمپیئن شپ کا فائنل رواں سال 7 جون سے انگلینڈ کے اوول کرکٹ گراؤںڈ میں کھیلا جائے گا۔

Comments

- Advertisement -