بھارتی کرکٹ بورڈ نے ون ڈے اور ٹی 20 کے کپتان روہت شرما کو ٹیسٹ کرکٹ کی قیادت بھی سونپ دی۔
تفصیلات کے مطابق بھارتی ون ڈے اور ٹی ٹوئنٹی ٹیم کے 34 سالہ کپتان روہت شرما کوسابق ٹیسٹ کپتان ویرات کوہلی کےکپتانی چھوڑنے کے بعد ٹیسٹ ٹیم کی کپتانی بھی سونپ دی گئی۔
ویرات کوہلی نے جنوری میں جنوبی افریقا کے خلاف ٹیسٹ سیریز میں شکست کے بعد کپتانی چھوڑنے کا فیصلہ کیا تھا۔
ان کی کپتانی میں بھارت نے سیریز کا آغاز جیت کے ساتھ کرنے کے باوجود تین میچز کی سیریز میں 1-2 سے شکست کھائی تھی۔
🚨 JUST IN: India have named their new permanent Test captain.
Details 👇https://t.co/lgLdDROGyE
— ICC (@ICC) February 19, 2022
یکم مارچ سے سری لنکا کے خلاف شروع ہونے والی دو میچز کی ہوم ٹیسٹ سیریز روہت شرما کی بطور فل ٹائم ٹیسٹ کپتان پہلی سیریز ہوگی۔
اگرچہ بھارت کے پاس کے ایل راہول، جسپریت بمراہ اور رشبھ پنت جیسے دیگر نوجوان آپشنز بھی موجود تھے تاہم بھارتی سلیکٹرز نے روہت شرما کے تجربے کو فوقیت دی۔
یاد رہے کہ حال ہی میں روہت شرما کی قیادت میں بھارتی ٹیم نے ویسٹ انڈیز کو ون ڈے اور ٹی 20 سیریز میں شکست دی ہے۔
