برازیل کے معروف فٹبالر رونالڈو لوئس نزاریو نے 33 سالہ برازیلین ماڈل سیلینا لاکس کے ساتھ تیسری شادی کرلی۔
برازیلین میڈیا رپورٹس میں بتایا گیا ہے کہ معروف فٹبالر رونالڈو اور 33 سالہ سیلینا لاکس 7 سال سے ایک دوسرے کے ہمراہ زندگی بسر کررہے تھے، تاہم کچھ روز قبل انہوں نے فیصلہ کیا کہ اب شادی کرلی جائے۔
برازیل کے معروف فٹبالر رونالڈو لوئس نزاریو کی میلین ڈومینگیس اور ڈینییلا سیکاریلی کے ساتھ طلاق کے بعد یہ تیسری شادی ہے۔
دوسری جانب سیلینا نے اپنے انسٹاگرام اکاؤنٹ پر دیئے گئے پیغام میں کہا کہ آج ہم اپنے خاندانوں کو مذہبی جشن کے لیے بلا رہے ہیں، اس کے بعد بہت سی تقریبات منعقد کی جائیں گی۔
برازیل کی نمائندگی کرتے ہوئے رونالڈو نے 98 میچز میں اپنی ٹیم کی نمائندگی کی، جس میں انہوں نے 62 گولز اسکور کیے، لیجنڈری فٹبالر نے اپنی ٹیم کو پانچواں فیفا ورلڈکپ ٹائٹل جتوانے میں بھی اہم کردارا ادا کیا۔
