فیصل آباد : مہندی کی تقریب کے دوران گھر کی چھت گر گئی ، جس کے نتیجے میں 11 افراد زخمی ہوگئے۔
تفصیلات کے مطابق فیصل آباد کے علاقے فقیرآباد میں افسوسناک واقعہ پیش آیا، گھر کی چھت گرنے سے 11 افراد زخمی ہوگئے۔
ریسکیو حکام نے بتایا کہ شادی والے گھر میں چھت پر مہندی کا ایونٹ تھا، چھت زیادہ افرادکی موجودگی کےباعث گری، جس کے نتیجے میں 8 افراد معمولی زخمی ہوئے جبکہ ایک بچے سمیت 3 افراد کو اسپتال منتقل کردیا ہے۔
- Advertisement -
مزید پڑھیں : گھر کی چھت گرنے سے 5 افراد جاں بحق
یاد رہے چارسدہ کے ترنگزئی خٹ کورونہ میں گھر کی چھت گرنے کا افسوسناک واقعہ پیش آیا تھا، جس کے نتیجے میں 5 افراد جاں بحق ہوگئے تھے۔
ریسکیو حکام کا اس حوالے سے بتایا تھا کہ چارسدہ میں جاں بحق افراد میں گھر کا سربراہ ساجد اس کی بیوی اور 3 بچے شامل ہیں۔ بچوں میں 8 ماہ کی دعانور، 7 سالہ حنیفہ، 8 سالہ موسیٰ شامل ہیں۔
