The news is by your side.

Advertisement

یادداشت بہتر بنانے والا پھول

یادداشت کی خرابی عمر سے مبرا ہر کسی کا مسئلہ بنتی جارہی ہے، اس کی مختلف وجوہات ہوتی ہیں جن میں سرفہرست ذہنی تناؤ ہے۔

یادداشت کو بہتر بنانے کے لیے کئی طرح کی ادویات کا استعمال اور دماغی مشقیں بھی کروائی جاتی ہیں لیکن ان سب کے لیے کافی وقت درکار ہوتا ہے تاہم اب سائنسدانوں نے اسے بہتر بنانے میں روزمیری تیل کی خوشبو کو کافی امید افزا پایا ہے۔

تھرا پیوٹک ایڈوانسز ان سائیکو فارما کولوجی میں شائع ہونے والی تحقیق ایک ایسے مطالعے پر مشتمل تھی جس میں 20 افراد شامل تھے جس کے نتائج کو دیکھتے ہوئے یہ تجویز کیا گیا کہ روز میری تیل کی خوشبو مختلف دماغی مشقوں کی درستگی اور رفتار کو بڑھانے میں مدد فراہم کرسکتی ہے۔

اسی طرح ایک اور تحقیق کی گئی جس میں بتایا گیا کہ ہوا میں موجود اس تیل کی خوشبو نے یاداشت کے امتحان میں کس طرح شرکا کی مدد کی۔

اس تحقیق کے لیے 66 شرکا کو شامل کیا گیا اور انہیں تجربہ گاہ میں آنے سے قبل کمرے کو روز میری تیل کی خوشبوسے مہکا دیا گیا جبکہ دوسرے کمرے میں خوشبو کو شامل نہیں کیا گیا۔

اب ان شرکا کے دو گروپ بنا کر انہیں الگ الگ کمروں میں بھیج دیا گیا جہاں دونوں میں یادداشت کو جانچنے کے لیے کچھ ٹیسٹ دیے گئے، اس ٹیسٹ میں ایسی اشیا کو تلاش کرنا تھا جو پہلے انہوں نے چھپی ہوئی دیکھی تھی۔

اس کا اندازہ اس بنیاد پر کیا گیا کہ شرکا اس کام کو کتنے وقت میں ختم کرتے ہیں، جس کمرے میں روز میری تیل کی خوشبو تھی وہاں کے شرکا نے بہتر کارکردگی کا مظاہرہ کیا اور ساتھ ہی ان کی یادداشت کو جاننے کے لیے سوالنامہ بھی دیا گیا۔

روزمیری یاداشت کو بہتر بنانے میں کس طرح کارآمد ثابت ہوتا ہے؟ تحقیق کے مطابق روز میری میں کارنوسک ایسڈ پایا جاتا ہے جو دماغ کو فری ریڈیکل سے ہونے والے نقصان سے تحفظ دیتا ہے، ساتھ ہی یہ ڈی این اے اور خلیات کو بھی فری ریڈیکل سے بچاتا ہے۔

روز میری کی خوشبو میں موجود مرکبات ایسی ٹیلکولین کی خرابی کو روکتے ہیں، یہ ایک ایسا کیمیکل ہے جو دماغی خلیوں میں تحریک پیدا کر کے مواصلات اور یاداشت کا کام انجام دیتا ہے۔

Comments

یہ بھی پڑھیں