اسلام آباد : عمران خان کا منصوبہ روشن ڈیجیٹل اکاؤنٹ 4 ارب ڈالر تک پہنچ گیا، بیرون ملک مقیم پاکستانیوں نے 3 لاکھ 90 ہزار سے زیادہ اکاؤنٹ کھولے۔
تفصیلات کے مطابق پاکستان تحریک انصاف کے رہنما فیصل جاوید نے سماجی رابطے کی ویب سائٹ ٹوئٹر پر پاکستانیوں کو مبارکباد دیتے ہوئے کہ عمران خان کا منصوبہ روشن ڈیجیٹل اکاؤنٹ 4 ارب ڈالر تک پہنچ گیا، 175 ممالک میں 3 لاکھ 90 ہزار سے زیادہ اکاؤنٹ کھولے گئے۔
فیصل جاوید کا کہنا تھا کہ منصوبے کا آغاز ستمبر 2020 میں کیا گیا تھا ، منصوبے کیساتھ منسلک ہونے پر خوشی ہے۔
Congratulations Pakistan! One of the flagship projects by @ImranKhanPTI Roshan Digital Account has reached $ 4 Billion mark Alhamdulillah! More than 390,000 accounts have been opened from 175 countries. Glad to have been associated with it since its launch in Sep 2020. #Pakistan pic.twitter.com/GrtX0w81e8
— Faisal Javed Khan (@FaisalJavedKhan) April 12, 2022
اس سے قبل اسٹیٹ بینک نے سوشل میڈیا پر روشن ڈیجیٹل اکاؤنٹس سے رقوم نکلوائے جانے کی خبروں کو جعلی قرار دیتے ہوئے کہا آر ڈی اے کھاتوں سے غیر معمولی رقوم نکلوانے کے شواہد نہیں ملے۔
مرکزی بینک کا کہنا تھا کہ اپریل کے 11 دنوں میں بیرون ملک مقیم پاکستانیوں نے مزید 8 کروڑ 60 لاکھ ڈالر روشن ڈیجیٹل اکاؤنٹس میں جمع کرائے، جس سےزر مبادلہ چار ارب ڈالر سے تجاوز کرگیا ہے۔
