لندن: برطانوی بادشاہ چارلس کی سالگرہ کے لیے جاری پریڈ ریہرسل میں یکے بعد دیگرے گارڈز گر کر بے ہوش ہونے لگے۔
غیر ملکی میڈیا رپورٹس کے مطابق لندن میں شدید گرمی کے باعث شاہی پریڈ کی ریہرسل کے دوران 3 گارڈز گر کر بے ہوش ہو گئے، رائل گارڈز بادشاہ چارلس کی سالگرہ کے لیے پریڈ کی ریہرسل کر رہے تھے۔
لندن میں شدید گرمی نے شہریوں کا برا حال کر دیا ہے، بے ہوش ہونے والے گارڈز کو فوری طور پر اسٹریچر پر لے جایا گیا، برطانوی میڈیا کے مطابق گارڈز ہیٹ ویو کی وجہ سے بے ہوش ہوئے۔
برطانیہ میں اس سال پہلی بار درجہ حرارت 30 ڈگری سینٹی گریڈ سے بڑھ گیا ہے، برطانیہ میں گزشتہ سال کی ریکارڈ توڑ گرمی کی لہر کے ممکنہ اعادے کا مشاہدہ کیا جا رہا ہے۔
💂 At least three British royal guards collapsed during a parade rehearsal in London ahead of King Charles' official birthday as temperatures exceeded 88 degrees Fahrenheit pic.twitter.com/V0fLjROoD5
— Reuters (@Reuters) June 10, 2023
ماہرین موسمیات نے پیش گوئی کی ہے کہ برطانیہ میں شدید گرمی پڑنے کا امکان 45 فی صد ہے جو کہ عام اعداد و شمار سے 2.3 گنا زیادہ ہے۔ دی گارڈین کی رپورٹ کے مطابق یہ واضح نہیں ہے کہ آیا برطانیہ دوبارہ 40 ڈگری سے زیادہ درجہ حرارت کا تجربہ کرے گا۔
