The news is by your side.

Advertisement

سعودی وزرا کے لیے شاہ سلمان کی جانب سے اہم اعزاز

ریاض: سعودی عرب میں متعدد وزرا اور عہدیداران کو اپنے شعبوں میں بہترین کارکردگی دکھانے پر شاہی اعزازات سے نوازا گیا ہے، اعزاز پانے والوں نے خادم حرمین شریفین شاہ سلمان بن عبد العزیز کا شکریہ ادا کیا۔

سعودی ویب سائٹ کے مطابق خادم حرمین شریفین شاہ سلمان بن عبدالعزیز نے متعدد وزرا اور عہدیداروں کو شاہ عبد العزیز تمغے جاری کیے ہیں۔

اعزاز پانے والے وزرا اور عہدیداروں نے اس نوازش پر شاہ سلمان کا شکریہ ادا کیا، انہوں نے اس عزم کا ارادہ ظاہر کیا کہ وہ ہمیشہ اپنی قیادت کے حسن زن پر پورے اترتے رہیں گے۔

وزیر داخلہ شہزادہ عبدالعزیز بن سعود اور وزیر ثقافت شہزادہ بدر بن عبد اللہ بن فرحان کو شاہ عبد العزیز شال عطا کی گئی۔

وزیر تعلیم ڈاکٹر حمد آل الشیخ، وزیر سرمایہ کاری انجینیئرخالد الفالح، وزیر انفارمیشن ٹیکنالوجی اینڈ کمیونی کیشن عبد اللہ السواحہ، وزیر ٹرانسپورٹ صالح الجاسر، محکمہ تفریحات عامہ کے سربراہ ترکی آل الشیخ، خادم حرمین شریفین کے نجی امور کے ادارے کے سربراہ ناصر النفیسی اور مشیر ایوان شاہی ڈاکٹر احمد الخلیفی کو شاہ عبد العزیز شال درجہ دوم عطا کی گئی۔

علاوہ ازیں ڈائریکٹر نیشنل انفارمیشن سینٹر ڈاکٹر عصام الوقیت، انفارمیشن ٹیکنالوجی اینڈ کمیونی کیشن کے ڈپٹی منسٹر انجینیئر ہیثم العوہلی، معاون وزیر انفارمیشن ٹیکنالوجی اینڈ کمیونی کیشن منیر الدسوکی اور گورنر انفارمیشن ٹیکنالوجی اینڈ کمیونیکیشن اتھارٹی محمد التمیمی کو اول درجے کا شاہ عبد العزیز تمغہ عطا کیا گیا۔

زیاد العقالق کو درجہ چہارم کا شاہ عبد العزیز تمغہ دیا گیا۔

Comments

یہ بھی پڑھیں