ملکہ برطانیہ کی پوتی یوجین عام شہری کے ساتھ رشتہ ازدواج میں منسلک princess-eugenie-marries
The news is by your side.

Advertisement

ملکہ برطانیہ کی پوتی یوجین عام شہری کے ساتھ رشتہ ازدواج میں منسلک

لندن : ملکہ برطانیہ کی پوتی شہزادی یوجین اپنے دوست اور عام شہری جیک بروکس بینک کے ساتھ رشتہ ازدواج میں منسلک ہوگئیں، شادی کی تقریب ونڈسر پیلس میں منعقد ہوئی جس میں شاہی خاندان سمیت 850 افراد شریک ہوئے۔

تفصیلات کے مطابق برطانوی شہزادے ہیرے اور امریکی اداکارہ میگھن مرکل کے رشتہ ازدواج میں بندھنے کے 5 ماہ بعد ملکہ برطانیہ کی پوتی اور شہزادہ اینڈریو کی چھوٹی بیٹی شہزادی یوجین آج اپنے قریبی دوست اور عام شہری کی دلہن بن گئیں۔

برطانوی خبر رساں ادارے کا کہنا تھا کہ پرنسس آف یارک کہلائی جانے والی 28 سالہ شہزادی یوجین کی دوست جیک بروکس بینک کے ساتھ رشتہ ازدواج میں منسلک ہوئیں ہیں جو ونڈسر محل کے سینٹ جارج چیپل میں منعقد ہوئی تھی۔

مقامی خبر رساں اداروں کا کہنا تھا کہ ملکہ برطانیہ کی پوتی اور جیک بروکس بینک کی شادی کی تقریب میں شاہی خاندان کے افراد سمیت 850 افراد مہمانوں نے شرکت کی، جبکہ برطانوی نشریاتی اداروں نے پرنسس آف یارک کی عروسی کی تقریب برائے راست نشر کی تھی۔

مقامی میڈیا کا کہنا ہے کہ ونڈسر محل وہی جگہ ہے جہاں 5 ماہ قبل شہزادہ ہیری اور میگھن مرکل کی شادی کی تقریب منعقد ہوئی تھی۔

 

برطانوی نشریاتی ادارے کا کہنا تھا کہ مذکورہ جوڑے کی پہلے سنہ 2010 میں سویٹذرلینڈ میں ملاقات ہوئی تھی۔

 

مقامی میڈیا کا کہنا ہے کہ پرنسس آف یارک کی شادی کی تقریب دن 11 بجے شاہی خاندان کے افراد کے آنے کے بعد شروع ہوئی تھی، جس میں شہزادہ ولیم ان کی اہلیہ بھی بچوں ہمراہ شریک ہوئیں تھی جبکہ ملک کی مشہور و معروف شخصیات و فنکاروں نے بھی شاہی شادی میں شرکت کی۔

غیر ملکی میڈیا کا کہنا ہے کہ ملکہ برطانیہ کی عزیز شہزادی الیگزنڈرا ہاتھ کی سرجری ہونے کے باعث شریک نہیں ہوسکیں۔

برطانوی خبر رساں اداروں کا کہنا ہے کہ شہزادی یوجین کی شادی پر لاکھوں پاؤنڈ جبکہ سیکیورٹی پر 20 لاکھ پاؤنڈ کے اخراجات آئے جس کے باعث برطانوی شہریوں نے پرنسس آف یارک کے والد شہزادہ اینڈریو سے رقم وصول کرنے کے لیے آن لائن درخواست دائر کردی۔

غیر ملکی خبر رساں ادارے کے مطابق شہریوں نے درخواست میں مؤقف اختیار کیا ہے کہ پرنسس آف یارک کی شادی کے اخراجات ٹیکس کی رقوم سے ادا کرنے کے بجائے شہزادہ اینڈریو سے وصول کیا جائے۔

واضح رہے کہ شہزادی یوجین اور جیک بروکس بینک کی منگنی رواں برس کے آغاز پر ملکہ برطانیہ کی اجازت کے بعد سادگی کے کی گئی تھی جس میں صرف خاندان کے افراد شریک تھے۔

Comments

comments

یہ بھی پڑھیں