کراچی: ایل پی جی کی قیمت مییں پانچ روپے اضافہ کردیا گیا ہے جس کے بعد گھریلو سلنڈر کی قیمت 59 روپے 81 پیسے بڑھ گئی، کمرشل سلنڈر کی قیمت میں 230 روپے کا اضافہ کردیا گیا ہے۔
تفصیلات کے مطابق مائع پیٹرولیم گیس کی اکتوبر کے لیے فی ٹن سعودی آرامکو کنٹریکٹ پرائس میں 38 ڈالر 70 سینٹ کے اضافے کو جواز بنا کر مقامی ایل پی جی مارکیٹنگ کمپنیوں نے اوگرہ نے نوٹیفکیشن جاری کرتے ہوئے فی کلو گرام ایل پی جی کی قیمت میں تقریبا پانچ روپے بڑھا دئیے۔
ایل پی جی کی قیمتوں میں اضافے کے بعد گھریلو سلنڈ کی قیمت 59 روپے 81 پیسے بڑھ گئی ہے جبکہ کمرشل سلنڈر کی قیمت میں 230 روپے کا اضافہ کردیا گیا ہے۔
یہاں یہ امر قابل ذکر ہے کہ کنٹریکٹ پرائس میں اضافے کے سبب صرف درآمد ایل پی جی کی فی ٹن قیمت 5557.74 روپے سے بڑھ کر ایک لاکھ 36 ہزار 732 روپے ہوگئی ہے۔
ایل پی جی ڈسٹری بیوٹرز ایسوسی ایشن کے چیئرمین عرفان کھوکھر نے بتایا کہ عالمی قیمت کا اطلاق ملک میں صرف درآمدہ ایل پی جی پر ہونا چاہئے لیکن مقامی مارکیٹنگ کمپنیوں نے قیمتوں میں بلاجواز اضافہ حکومتی رٹ کو ایک بار پھر چیلنج کردیا ہے۔
0
20
