مظفرآباد: آزاد کشمیر اسمبلی نےمالی سال دوہزارسولہ سترہ کا تہتر ارب پچاس کروڑ کا بجٹ بغیر بحث کے منظور کر لیا گیا.
تفصیلات کے مطابق آزاد کشمیر اسمبلی میں بجٹ اجلاس ایک گھنٹہ تاخیر سےشروع ہوا،اپوزیشن کے تین اراکین سمیت کل سترہ اراکین اسمبلی نے شرکت کی.
آزادکشمیرکے وزیر خزانہ چودہری لطیف اکبر نے بجٹ تقریرمکمل کی توتحریک پیش کی کہ عام انتخابات کی مصروفیت کی وجہ سے اسمبلی کے قواعد ایک سو ستائس اٹھائس اورانتیس کو معطل کر کے آج ہی بجٹ مالی سال دوہزار سولہ سترہ اور نظر ثانی بجٹ دوہزار پندرہ سولہ منظور کیا جائے.
- Advertisement -
ایوان نے کثرت رائے سے تحریک منظور کرتے ہوئے ایک ہی روزمیں بجٹ منظورکرنے کی راہ ہموار کردی،بجٹ میں ترقیاتی اخراجات کےلیے 12ارب روپے مختص کیے گئے ہیں.
