پاکستان میں رمضان المبارک کا بابرکت مہینہ اختتام کی جانب گامزن ہے اور لوگ عید الفطر پر نئے کرنسی نوٹوں کے لیے جتن کررہے ہیں۔
تہوار کے موقع پر گھر کے سربراہ بچوں میں عیدی تقسیم کرتے ہیں اور اس سے قبل انہیں نئے کرنسی نوٹ درکار ہوتے ہیں۔
نئے کرنسی نوٹ اسٹیٹ بینک آف پاکستان اور ملک بھر کے دیگر بینکوں سے خریدے جاسکتے ہیں۔
لیکن بعض اوقات لوگ بینکوں سے نئے نوٹوں کے بنڈل حاصل کرنے سے قاصر رہتے ہیں اس صورتحال میں وہ نئے نوٹ خریدنے کے لیے کھلے بازار اور دکانوں پر جاسکتے ہیں۔
اوپن مارکیٹ میں دکاندار نئے کرنسی نوٹوں کے بنڈل زیادہ قیمت پر فروخت کرتے ہیں، 100 روپے کے کرنسی نوٹ کے بنڈل کی مالیت 10 ہزار روپے ہے لیکن اوپن مارکیٹ میں اضافی رقم ادا کرنی ہوتی ہے۔
100 روپے کا بنڈل 10500 اور 10700 روپے میں فروخت ہورہا ہے۔
سپارکو اور ماہرین موسمیات کی تازہ ترین پیشین گوئیوں کے مطابق شوال کا چاند 30 مارچ اتوار کو نظر آنے کا امکان ہے اور عید الفطر 31 مارچ 2025 بروز پیر کو ہوگی۔
