The news is by your side.

Advertisement

‘عمران خان کا یومیہ ہیلی کاپٹر کا خرچہ 8 لاکھ روپے سے زائد تھا’

اسلام آباد : پیپلز پارٹی کی رہنما شیری رحمان کا کہنا ہے کہ توشہ خانہ کے بعد اب ہیلی کاپٹر اسکینڈل سامنے آیا ہے، عمران خان کا یومیہ ہیلی کاپٹر کا خرچہ 8 لاکھ روپے سے زائد تھا۔

تفصیلات کے مطابق پیپلز پارٹی کی رہنما شیری رحمان نے سماجی رابطے کی ویب سائٹ ٹوئٹر پر اپنے بیان میں کہا کہ ایک دن امریکی وفد نے عمران خان سےملاقات کی، دوسرے دن سابق وزیر نے کہا اسٹیبلشمنٹ سے خراب تعلقات کےباعث حکومت سے باہر ہیں، 2 واقعات نے جھوٹے "بیرونی سازش”کے بیانیہ کو دفن کر دیا، کیا عمران خان امریکا کو غلطی درست کرنیکی دھمکیاں دے رہے ہیں؟

شیری رحمان کا کہنا تھا کہ پی ٹی آئی کا "صاف چلی شفاف چلی”بیانیہ بھی بے نقاب ہو رہا ہے، توشہ خانہ کے بعد اب ہیلی کاپٹر اسکینڈل سامنے آیا ہے، کفایت شعاری کا نعرہ لگا کر قومی خزانے کو بے دردی سےلوٹا گیا ، بنی گالا سےایوان وزیراعظم کے پر عوام کے 98 کروڑ خرچ کئے۔

پی پی رہنما نے مزید کہا کہ یہ لوگ کہتےتھےہیلی کاپٹرکاخرچ50سے55روپےفی کلومیٹرہے، عمران خان کایومیہ ہیلی کاپٹرکاخرچہ8لاکھ روپےسےزائد تھا ، سادگی اور کفایت شعاری کا درس دینے والا ہیلی کاپٹر پر آتا جاتا رہا۔

ان کا ایک اور ٹوئٹ میں کہنا تھا کہ کنٹینرپرعمران خان مغربی ممالک کے رہنماؤں کی مثالیں دیتے تھے، ووٹر پونے 3 سال انتظار کرتے رہے ان کا لیڈر بھی سائیکل پرجائےگا، عوام کے ٹیکس کے پیسے ہیلی کاپٹر کے سفر میں اڑائے گئے۔

Comments

یہ بھی پڑھیں