اسلام آباد : ربیع الاول کا چاند دیکھنے کیلئے مرکزی رویت ہلال کمیٹی کااجلاس آج ہوگا، جس میں چاندکی رؤیت کا اعلان کیا جائے گا۔
تفصیلات کے مطابق مرکزی رویت ہلال کمیٹی کا اجلاس آج اسلام آباد میں ہوگا ، چیئرمین مرکزی رویت ہلال کمیٹی مولانا عبد الخبیر آزاد صدارت کریں گے۔
اجلاس وزارت مذہبی اْمور و بین المذاہب ہم آہنگی پاکستان کوہسار کمپلیکس پاک سیکرٹریٹ اسلام آباد میں ہوگا جبکہ ملک میں زونل
کمیٹیوں کے اجلاس ان کے متعلقہ ہیڈکوارٹرز لاہور، کراچی،کوئٹہ،پشاورمیں منعقد کیے جائیں گے۔
اجلاس میں ماہ ربیع الاوّل 1446ہجری کے چاندکی رؤیت کا فیصلہ اور اعلان کیا جائے گا، اگر آج بروز بدھ کو روز چاند نظر آجاتا ہے تو 12 ربیع الاول 16 ستمبر بروز پیر کی ہوگی جبکہ چاند نظر نہ آنے کی صورت میں عید میلاد النبیﷺ 17 ستمبرکو منگل کے روز منائی جائے گی۔
ماہِ ربیع الاوّل کی اہمیت
واضح رہے ماہ ربیع الاول امت مسلمہ کے لیے خاص اہمیت کا حامل ہے کیونکہ اس مہینے نبی آخرالزماں ﷺ کی دنیا میں آمد ہوئی، پیغمبر اکرم صلی اللہ علیہ والہ وسلم پوری دنیا کے لئے عملی نمونہ بن کر آئے اور وہ ہر شعبے میں اس اوج کمال پر فائز ہیں کہ ان جیسا کوئی تھا اور نہ ہی قیامت تک آسکتا ہے۔
