کراچی : ذی الحج کا چاند دیکھنے کے لیے پاکستان میں مرکزی رویت ہلال کمیٹی کا اجلاس آج ہوگا۔
تفصیلات کے مطابق پاکستان میں چاند دیکھنے کے لیے مرکزی رویت ہلال کمیٹی کا اجلاس مفتی منیب الرحمان کی زیرصدارت آج کراچی میں ہوگا۔
کراچی میں رویت ہلال کمیٹی کے مرکزی اجلاس کے علاوہ اسلام آباد،لاہور، پشاوراورکوئٹہ میں زونل کمیٹیوں کےاجلاس ہوں گے۔
محکمہ موسمیات کا کہنا ہے کہ آج چاند نظر آنے کا قوی امکان ہے تاہم چاند کی رویت کا حتمی اعلان مرکزی رویت ہلال کمیٹی شہادتوں کا جائزہ لینے کے بعد کرے گی، چاند نظرآنے کی صورت میں عیدالاضحیٰ 22 اگست بدھ کو ہوگی۔
مزید پڑھیں: سعودی عرب میں حجاج کی خدمت کے لیے ہزاروں اہلکارتعینات
خیال رہے کہ گزشتہ روز سعودی عرب اور خلیجی ممالک میں ذی الحج کا چاند نظرآگیا جس کے بعد ان ممالک میں عیدالاضحیٰ 21 اگست کو ہوگی۔
دوسری جانب انڈونیشیا، ملائیشیا، برونائی، سنگاپور میں یکم ذی الحج 13 اگست بروز پیر کو گی جبکہ عیدالاضحیٰ 22 اگست کو منائی جائے گی۔
واضح رہے کہ عید الاضحیٰ حضرت ابراہیم علیہ السلام اور حضرت اسماعیل علیہ السلام کی جانب سے اللہ رب العزت کے احکامات کی پیروی کرتے ہوئے دی جانے والی قربانی کی یاد میں منائی جاتی ہے۔
