The news is by your side.

کسی بھی رکن قومی اسمبلی کو گرفتار کرنے سے پہلے اسپیکر کی منظوری حاصل کرنا ہوگی’

اسلام آباد : قومی اسمبلی کے قواعد 2007 میں ترامیم منظور کرلی گئیں ، جس کے تحت کسی بھی رکن قومی اسمبلی کو گرفتار کرنے سے پہلے اسپیکر کی منظوری حاصل کرنا ہوگی۔

تفصیلات کے مطابق ڈپٹی اسپیکر کی صدارت میں قومی اسمبلی کا اجلاس ہوا، جس میں قومی اسمبلی میں کارروائی اور طریقہ کار کے قواعد 2007 میں ترامیم منظور کرلی گئیں۔

ترامیم میں کہا گیا کہ کسی بھی رکن کو گرفتار کرنے سے پہلے اسپیکر کی منظوری حاصل کرناہوگی اور رکن اسمبلی کی گرفتاری کیلئے اسپیکر کو وجوہات سے بھی آگاہ کرنا ہوگا۔

ترامیم میں کہنا ہے کہ اگر عدالت رکن کو قید کی سزا دیتی ہے تو مقام حراست یا قید سےمطلع کیا جائے۔

پروڈکشن آرڈر کے بعد پارلیمنٹ لاجز اور رکن کی رہائش گاہ کو سب جیل قرار دیا جائے گا، گرفتار رکن اسمبلی کے پروڈکشن آرڈر کا اجرا ترمیم کے ذریعے لازمی قرار دیا گیا ہے۔

Comments

یہ بھی پڑھیں