کراچی : قومی کرکٹ ٹیم کے فاسٹ بولر رومان رئیس آج زندگی کی نئی اننگز کی شروعات کرنے جارہے ہیں، تیاریاں مکمل کرلی گئی ہیں۔

تفصیلات کے مطابق پاکستان کرکٹ ٹیم کے فاسٹ بولر رومان رئیس آج رشتہ ازدواج سے منسلک ہونے جارہے ہیں، شادی کی تیاریاں مکمل کرلی گئی ہیں، بارات سپر ہائی وے کے قریب گلشن عثمان سوسائٹی سے گلستان جوہر آئے گی۔

پچیس سالہ فاسٹ بولر چار بہنوں کے اکلوتے بھائی ہیں اور انکی ہونے والی اہلیہ کا نام عائشہ ہے۔

ولیمے کی تقریب میں قومی کرکٹرز کی شرکت متوقع ہے۔

خیال رہے کہ چیمپیئنز ٹرافی میں رومان رئیس کو انگلینڈ کیخلاف چانس ملا تھا، وہ پاکستان کیجانب سے دو ٹی ٹوئنٹی میچز بھی کھیل چکے ہیں جبکہ رومان رئیس ورلڈ الیون کے خلاف تین ٹی 20 میچوں کے لئے اعلان کردہ اسکواڈ میں بھی شامل ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔