لاہور: قومی کرکٹر رومان رئیس نے لاک ڈاؤن سے متاتر ہونے والے غریب طبقے کی امداد کے لیے اپنا کرکٹ کا سامان نیلام کردیا۔
تفصیلات کے مطابق کرونا وائرس کی وبا کے سبب ملک بھر میں لاک ڈاؤن کیے جانے کے بعد مزدور طبقہ سب سے زیادہ متاثر ہوا ہے ایسے میں مخیر حضرات کی جانب سے ضرورت مند لوگوں کی مدد کی جارہی ہے۔
قومی کرکٹ ٹیم کے فاسٹ بولر رومان رئیس نے غریبوں کی امداد کے لیے اپنی ڈیبیو کیپ، کرکٹ بیٹ اور اسلام آباد یونائیٹڈ کی شرٹ نیلام کردی۔
رومان رئیس کی ڈیبیو کیپ ایک لاکھ 60 ہزار، کرکٹ بیٹ 80 ہزار اور اسلام آباد یونائیٹڈ کی جرسی 60 ہزار روپے میں نیلام ہوئی۔
Final auction announcement
AND I CONGRATS TO ALL THE WINNER AND KEEP DONATE US KEEP SUPPORT US THANKS ALOT https://t.co/wx0O35tHEg— Rumman Raees (@rummanraees15) April 19, 2020
رومان رئیس کا کہنا ہے کہ نیلامی سے ملنے والی رقم غریب اور مستحق خاندانوں میں تقسیم کریں گے، رمضان المبارک کے دوران سحری اور افطاری بھی فراہم کی جائے گی۔
واضح رہے کہ چند روز قبل رومان رئیس نے ملک بھر میں لاک ڈاؤن کی وجہ سے متاثرہ افراد کی امداد کے لیے فنڈز اکٹھا کرنے کی غرض سے اپنا کرکٹ کا سامان نیلام کرنے کا اعلان کیا تھا۔
یاد رہے کہ قومی کرکٹرز سہیل تنویر، احمد شہزاد، شاہد خان آفریدی کی جانب سے بھی لاک ڈاؤن سے متاثرہ غریب طبقے کی مدد کی جارہی ہے۔
