شامی شہر’’رقہ‘‘میں اتحادی افواج نےداعش کےخلاف گھیراتنگ کردیا -
The news is by your side.

Advertisement

شامی شہر’’رقہ‘‘میں اتحادی افواج نےداعش کےخلاف گھیراتنگ کردیا

دمشق : شام میں اتحادی افواج کی مدد سے کرد اور عرب فورسز نے داعش کے خلاف کارروائی کرتے ہوئے رقہ کے قریبی گاؤں کو آزادکرالیا۔

تفصیلات کےمطابق امریکی اتحاد کی مدد کےساتھ شامی حزب اختلاف نے داعش کے خلاف پیش قدمی کرتے ہوئے رقہ کے قریبی گاؤں پر کنٹرول حاصل کرلیا۔

سیریئن ڈیموکریٹک فورس کےاتحاد نے ’’فرات کاغصہ‘‘ کےنام سے رقہ کی آزادی کےلیے آپریشن کاآغاز رواں ہفتے کیا تھا۔حزب اختلاف کےاتحاد میں شامی کرد اور عرب گروہ بھی شامل ہیں۔

شام کے شہر رقہ کو داعش کا دارالحکومت سمجھا جاتا ہے جہاں دہشتگرد کارروائیوں کی منصوبہ بندی کرتے ہیں اورتربیتی مراکز چلاتے ہیں۔

مزید پڑھیں:شامی شہر ’’رقہ‘‘ پر فضائی حملوں میں20افراد جاں بحق

یاد رہےکہ دو روز قبل امریکہ کی اتحادی افواج نے داعش کے گڑھ ’’رقہ‘‘ میں ایک دیہات پر فضائی حملے کیےتھے جس کے نتیجے میں 20افراد جاں بحق ہوگئے تھے۔

مزید پڑھیں:امریکی اتحادی افواج کا شامی شہر’’رقہ‘‘میں آپریشن کا اعلان

واضح رہے کہ رواں ہفتے شام میں داعش کے خلاف عرب افواج نےشام کے شہر ’’رقہ‘‘ میں دوباہ کنٹرول حاصل کرنےکے لیے داعش کے خلاف آپریشن کا اعلان کیاتھا۔

 

Comments

comments

یہ بھی پڑھیں