کیف : روسی حملوں میں یوکرین کے تیس فیصد پاور اسٹیشنز تباہ ہو گئے، حملوں کے بعد شہر کے کچھ حصوں میں بجلی کی فراہمی معطل ہو گئی۔
تفصیلات کے مطابق روس کے میزائل اور ڈرون حملوں نے یوکرین میں تباہی مچا دی۔
روسی حملوں میں یوکرین کے تیس فیصد پاور اسٹیشنز تباہ ہو گئے جبکہ دارالحکومت کیف میں توانائی تنصیبات پر روس کے دو میزائل حملوں کے نتیجے میں دو افراد ہلاک ہوئے۔
میزائل حملے کے بعد تھرمل پاور اسٹیشن سے دھواں اٹھتا دیکھائی دیا، حملوں کے بعد شہر کے کچھ حصوں میں بجلی کی فراہمی معطل ہو گئی ہے۔
یوکرینی صدر زیلنسکی کا کہنا ہے کہ یوکرین روسی میزائل حملوں کی زد میں ہے۔۔۔روس نے یوکرینی شہریوں کو دہشت زدہ اور ہلاک کرنے کا سلسلہ جاری رکھا ہوا ہے۔
زیلنسکی نے کہا کہ دس اکتوبر سے اب تک روس یوکرین کے تیس پاور اسٹیشنز کو تباہ کر چکا ہے، روس کو ان اقدمت کا جواب دینا پڑے گا۔
