The news is by your side.

Advertisement

روس کے ہاتھوں سے چیمپیئنز لیگ فائنل کی میزبانی نکل گئی

مانچسٹر: روس کے ہاتھوں سے 2022 چیمپیئنز لیگ فائنل کی میزبانی نکل گئی، یوکرین پر حملے کی وجہ سے روس سے چیمپیئنز لیگ فائنل کی میزبانی واپس لے لی گئی۔

تفصیلات کے مطابق یورپین فٹبال ایسوسی ایشن نے روس سے میزبانی واپس لے لی، چیمپیئنز لیگ کا فائنل اب پیرس میں ہو گا، اس سلسلے میں یورپین فٹبال ایسوسی ایشن نے ایگزیکٹو کمیٹی کا غیر معمولی اجلاس طلب کیا تھا۔

ایگزیکٹو کمیٹی کے اجلاس میں روس سے فائنل کی میزبانی واپس لینے کا فیصلہ کیا گیا۔واضح رہے کہ یورپ کے سب سے باوقار کلب مقابلے کا فائنل 28 مئی کو سینٹ پیٹرزبرگ میں کھیلا جانا تھا۔

جمعے کو ہونے والی یورپین فٹبال ایسوسی ایشن کی تقریب

جمعہ کو ہونے والی میٹنگ کے بعد، یو ای ایف اے نے تصدیق کی کہ یہ میچ گیز پروم ایرینا میں نہیں ہوگا، بلکہ اس کی بجائے یورپی فٹ بال کی گورننگ باڈی نے فیصلہ کیا ہے کہ اسے پیرس کے اسٹیڈ ڈی فرانس میں منعقد کیا جائے گا۔

فائنل کے لیے پیرس کا انتخاب فرانسیسی صدر ایمانوئل میکرون کی جانب سے بحران میں کھیل کو بحران سے محفوظ رکھنے کی حمایت پر کیا گیا، ایسویسی ایشن کے جاری کردہ بیان میں کہا گیا ہے کہ وہ کھلاڑیوں اور اُن کے خاندانوں کو محفوظ رکھنے کے لیے تمام اقدامات کرے گی۔

اجلاس میں یہ فیصلہ بھی کیا گیا کہ مقابلوں میں حصہ لینے والے روسی اور یوکرینی کھلاڑی اگلے فیصلے تک تمام ہوم میچز غیر جانب دار مقامات پر ہی کھیلیں گے۔

Comments

یہ بھی پڑھیں