روس میں صدارتی انتخابات کے لیے کل سے تین روزہ پولنگ شروع ہوگی۔ ملک کی صدارت کے لئے 4 اُمیدوار انتخابات میں حصہ لیں رہے ہیں، تاہم قوی امکان ہے کہ روس کے موجودہ صدر ولادیمیر پیوٹن ہی دوبارہ 6 برس کے لئے صدر منتخب ہوجائیں گے۔
بین الاقوامی خبر رساں ادارے کی رپورٹ کے مطابق یہ روس کے آٹھویں صدارتی انتخابات ہیں، 15 مارچ کو شروع ہونے والی ووٹنگ کا سلسلہ 16 اور 17 مارچ کو بھی جاری رہے گی۔
صدارتی امیدوار کے طور پر 4 شخصیات نے اپنی رجسٹریشن کرائی ہے، جن میں سے دیگر 3 روسی ایوان زیریں یعنی ڈوما کے اراکین نکولائی خریطونوف، لیانید سُولوستکی اور ویلدیسلوف داونکوف ہیں جبکہ صدر بننے کے خواہشمند الیکسی نوالنی کا انتقال ہوچکا ہے اور دو کے کاغذات مسترد کردیے گئے۔
سروے میں یہ بات سامنے آئی ہے کہ روس کے موجودہ صدر ولادیمیر پیوٹن ہی دوبارہ صدر بنیں گے۔
ووٹنگ سے ایک روز پہلے پیغام میں صدر پیوٹن کا کہنا تھا کہ اس الیکشن کے نتائج آئندہ برسوں میں روس کی ترقی پر براہ راست نتائج مرتب کریں گے، یہ ملک میں انتہائی اہم الیکشن ہیں۔
واضح رہے کہ پیوٹن کو سابق سوویت لیڈر بورس یلسن نے 1999 میں نائب صدر مقرر کیا تھا۔ جس کے بعد انہوں نے سن 2000 سے 2008 تک دوبار صدارت اور پھر سن 2012 تک وزارت عظمیٰ کا منصب اپنے پاس رکھا۔
’روس جوہری جنگ کیلیے تیار‘: پیوٹن کی امریکا اور مغربی ممالک کو دھمکی
روسی صدر پیوٹن 2012 میں تیسری بار اور 2018 میں چوتھی بار صدر کے منصب پر فائز ہوئے، انہیں مزید دو بار آئینی طور پر صدر بننے کی اجازت حاصل ہے۔
