نیویارک : روس نے اسرائیل کی حمایت میں پیش کی جانے والی امریکی قرارداد کو مسترد کردیا اور کہا قرارداد میں اسرائیل کی حمایت کے علاوہ کوئی مطالبہ نہیں کر رہا ہے۔
تفصیلات کے مطابق اقوام متحدہ میں اسرائیل کی حمایت میں پیش کی جانے والی امریکی قرارداد کو روس نے مسترد کردیا اور کہا روس اسرائیل کی حمایت میں پیش کی جانےوالی امریکی قراردادکی حمایت نہیں کرے گا۔
اقوام متحدہ میں روسی مندوب نے کہا کہ پوری دنیاسلامتی کونسل سےفوری جنگ بندی کےمطالبےکی توقع کررہی ہے،امریکی قراردادمیں جنگ بندی کاکوئی ذکرہی نہیں ہے۔
روسی مندوب کا مزید کہنا تھا کہ امریکا قرارداد میں اسرائیل کی حمایت کے علاوہ کوئی مطالبہ نہیں کر رہا ہے۔
یاد رہے اقوام متحدہ کے سلامتی کونسل اجلاس میں امریکا کو اسرائیلی حملے نظر نہ آئے اور حماس کی مذمت کا مطالبہ کردیا۔
امریکی وزیرخا رجہ انٹونی بلنکن نے کہا تھا کہ سلامتی کونسل کی ذمہ داری ہےکہ حماس کی مذمت کرے، اقوام متحدہ کوکسی بھی ملک کےاپنےدفاع کےحق کی توثیق کرنی چاہیے۔
انٹونی بلنکن کا کہنا تھا کہ کونسل کاکوئی رکن،اپنےلوگوں کےقتل عام کوبرداشت نہیں کرسکتی، ضروری ہےہم تنازع میں تمام شہریوں کےتحفظ کےلیےکام کریں، ہمارابنیادی مقصدہےکہ ہر شہری کی زندگی قیمتی ہے۔
امریکی وزیرخا رجہ نے واضح کہا کہ خطے میں کہیں بھی امریکی اہلکاروں پر حملہ ہوا تو دفاع کریں گے، ایران کوخبردار کرتےہیں کہ اسرائیل کیخلاف دوسرامحاذنہ کھولیں۔
انٹونی بلنکن کا مزید کہنا تھا کہ امریکا اسرائیل کی حفاظت کریگا، شراکت داروں پر حملہ نہ کیا جائے۔
