روسی فوج کی جانب سے مشرقی یوکرین پر حملے کئے گئے، جس کے نتیجے میں 4 افراد ہلاک متعدد زخمی ہوگئے۔
بین الاقوامی خبر رساں ادارے کی رپورٹ کے مطابق روس کی جانب سے صنعتی علاقے ڈونیٹسک میں پیش قدمی تیز کردی گئی ہے۔
رپورٹ کے مطابق روسی حملوں کے باعث کومار قصبے میں 32 سالہ خاتون ہلاک ہوئی، جبکہ 20 افراد زخمی ہوئے۔
سیلڈوف قصبے میں روسی حملے میں 2 افراد ہلاک اور 2 زخمی ہوگئے، یوکرینسک قصبے پر روس کے سمرچ راکٹ سے حملے میں ایک شخص ہلاک اور ایک زخمی ہوا۔
اس سے قبل اپنے ایک میں روسی صدر پیوٹن کا کہنا تھا کہ دہشتگردی کے خلاف جنگ میں طالبان ہمارے اتحادی ہیں۔
قازقستان میں موجود روسی صدر پیوٹن نے اپنے ایک بیان میں کہا کہ ہمیں یہ ضرور تسلیم کرنا چاہیے کہ طالبان کا ایک ملک پر کنٹرول ہے۔
مسعود پیزشکیان ایران کے نئے صدر منتخب
پیوٹن نے کہا کہ اس لحاظ سے طالبان یقیناً دہشتگردی کے خلاف جنگ میں ہمارے اتحادی ہیں کیونکہ دنیا میں کوئی بھی حکمران ریاست کے استحکام میں دلچسپی رکھتے ہیں۔
